1. Gending Bubuka
2. Prolog : Bismillahirrohmanirrohim . . . . . . . . .
Pun! Gapuraning catur, papasan pamuka basa papaes pamuka carita.
Geusan panjang ambahan, ayeuna ngarandeg heula, nyawang nyoreang katukang, nyengkal jeung ngukur sakur nu geus kaambah.
Kiwari cunduk waktu, ninggang mangsa pikeun neruskeun lalampahan, nyusud elmu nu can timu, ngudag luang nu can beunang.
Insya Allah dinten ieu . . . . . . . .ping . . . . . . . . . . .prosesi upacara paturay tineung siswa kelas . . . . . . . . . . Garut, taun pangajaran . . . ./. . . . seja dikhaturkeun, wilujeng nyakseni.
3. Rajah
Tah sora goong ngungkungan, aya naon, aya naon
Tah sora goong ngungkungan, aya naon, aya naon
Tah sora-sora bewara, tah sora goong tanggara
Tanggara reujeung bewara, paheut hiji subaya
Nu pasti jadi pinuji, ayeuna dugi kawanci
Nu paheut ngeuyeuk ka deudeuh, ayeuna parantos rawuh
Yu papag, yu bageakeun, bagea wilujeng sumping
Calon rajaning sadinten, nu gilig disitrenan
Manawi tatamu saha, rumaos uwa leleda
Sakedap antosan heula, uwa mundut kasalira
Seja ngembarkeun bewara, ka sakumna balarea
Pun . . . . . . .sapun uwa hapunten
Kula ngembarkeun nu sumping
Tuh atra ngaleut ngalabring
Der gending geura ramekeun
Bral miang geura papageun
Bur payung geura bukakeun, bur payung geura bukakeun
Bur payung geura bukakeun
4. Rengse tarian payung, dituluykeun ku rengkak lengser nu seja mapag tatamu
Pirigigan : Lutung Jigrah/sandoyong
Sondoyong ngagandong kokod
Leumpangna dicentok-centok
Paman lengser gandang midang
Seja rek mere bewara
Aya beja nu dibawa
Cenah aya upacara
Pangwilujeng ka para siswa
Kumargi bade lekasan
5. Tarian juru payung dipirig instrumen pangapungan
6. Ponggawaan/gending catrik
7. Gerakan gulang-gulang/umbul-umbul Gending sireum beureum
8. Tarian Merak
9. Narator
Kalayan sagala kahormatan, ka pupuhu sakola . . . . . . . . . ., dihaturkeun majeng ka podium.
10. Pirigan Lalayaran, Marengan Wawakil Siswa
Bray siang, nu sumping nyanding hariring
Bray siang, nu datang muga waluya
Bray siang, ginulur bagja harepan
Bray siang, ginulur bagja marengan
Mega bodas awas nyacas
Beuki lila beuki bengras
Langit lenglang narawangan
Ilang halangan harungan duh . . . . nu diistrenan
11. Sungkem ti Siswa
Ibu/Bapa . . . .abotnya sakalintang, sim abdi kumaha nya kedah kedal, sesah pibasaeunana, kana sagala jasa rupi jasa ibu miwah guru-guru sadaya, anu parantos ngatik ngadidik sakitu lamina, anu tangtos seueur pisan kalepatan sinareng kahilapan anu matak ngajahatkeun manah ibu miwah guru-guru sadaya.
Ibu/Bapa . . . .miwah guru-guru sadaya
Teu saat-saat golontor kanyaah, teu pegat-pegat pantengan kaheman, abdi sumujud ayeuna, neda pangersa hampura, mundut restu pangdu’a ibu miwah guru-guru sadaya, mugia dina enggoning laku hirup abdi, aya dina karidoan sinareng panangtayungan Alloh SWT.
12. Piwejang Pupuhu . . . . . . . . . . . . . .
Anaking . . . . .tilu taun nu geus kaliwat, hidep datang ka ieu tempat, pikeun nyukcruk elmu nyiar luang geusan kamangpa’atan dunya akherat.
Ibu, bapak, jeung guru-guru hidep, narima hidep, narima amanat ti kolot hidep, kudu ngatik jeung ngadidik, ngetrukkeun elmu pangaweruh, bongan geus jadi udagan sangkan hidep bisa ngahontal nu jadi tujuan.
Anaking . . . . .mangsa bapak rek wawadi, ngawakilan ibu kepala rek mere piwejang anu pamungkas, satutasna hidep nyiar elmu di ieu tempat.
Ulah poho kana jatining diri, dabongan elmu mah taya tung-tungna, geura cukruk dei elmu-elmu liana pikeun kabagjaan dunya katut akherat.
Anaking . . . . .
Tumutkeun piwuruk sepuh, piwejang indung bapa supaya hidep aya dina bagja jeung waluya.
Anaking . . . . .amanat bapa anu pamungkas, sok asal wawuh kakujur apal kana jalan mulang, ulah katalimbeng muntang, ka gusti nu Maha Suci hidep kudu madep.
Pileuleuyan anaking . . . .sapunyere pegat simpay
Sanajan raga papisah batin mah tetep ngahiji, moal pisah moal pukah.
Bral geura miang anaking, geura sorang jalan anyar tataratas jalan kahirupan pikeun meunang kabagjaan dunya akherat,
Ibu, bapak, jeung guru-guru hidep nganbisa ngajurung ku du’a
13. Narator :
Bapa pupuhu . . . . . . . . . . . . . dihaturanan masrahkeun “Lalayang” tawis lekasan tolabul ilmi ka dua wawakil siswa.
Pirigan : Rum Arum, Rum Arum, Rum Arum
14. Narator :
Kahatur Bapak, Ibu, Guru-guru, Stap Tata Usaah disarengan ku Dewan Sakola . . . . . . . . . . dihaturanan ngadeg dipayuneun podium kanggo masihan pang wilujeng ka para siswa kelas anu parantos lekasan ngalap elmu di ieu sakola
Salajengna siswa kelas . . . . supados ngabaris, kanggo nampi pangwilujeng sareng nampi kalungan medah ti ibu/Bapa Kepala Sakola.
(dugi ka rengse kalayan dipirig ku lagu pileuleuyan)
Cunduk waktu ninggang mangsa
Urang teu wasa kumaha
Najan resep sasarengan
Kedal lisan pileuleuyan
Pileuleuyan pileuleuyan
Sapunyere pegat simpay
Pileuleuyan pileuleuyan
Paturay patepang deui
15. Narator
Bapa Kepala Seolah, Bapak, Ibu Guru, Stap Tata Usaha Miwah Dewan Sakola . . . . . . . . . . . . mulih duei ka tempat asal
16. Narator
Mung sakitu pedaran upacara Sumeren Layang siswa . . . . . . . . .
Cag! Urang teunteun dihandeuleum sieum, paranti nyokot alaeun.
Wassalamu’alaikum Wr. Wb
0 Comments
